الموضوع: ساعدونى :كيف الغى التامينات دى من مكتب التامينات اللى انا تابع ليه

السلام عليكم مشكلتى با ختصار كنت اعمل باحد الفنادق بشرم الشيخ وقدمت استقالى واخذت صورة من استماره 6 تامينات ولكنها غير مختومه من مكتب تامينات شرم والمراجع مش ماضى عليها روحت التامينات لاقيت الفندق مومن عليا مع انى سايب الشغل من شهرين وكلمت الموارد البشرية وحكتلهم على الموضوع قالوا هنبعت استمارتك تامينات شرم الشيخ ومن ساعتها مفيش شى اتغير برضو لسه متامن عليا ولما رجعت كلمتهم قالولى مفيش موظفين فى مكتب شرم الشيخ بسب ظروف البلد انا دلوقتى عايز افصل نفسى منى التامينات بتاع الفندق ومش عارف اتصرف ازاى ومش هقدر اروح شرم الشيخ اعمل ايه ساعدونى مفيش حل انى الغى التامينات دى من مكتب التامينات اللى انا تابع ليه فى محافظة الغربية ارجوكم ساعدونى

الزميل العزيز،

يجب أن يتواجد موظف التأمينات في مكتب التأمينات ليحدث أحد شيئين:
1- أن يقوم مسؤول التأمينات الاجتماعية بالفندق الذي كنت تعمل به بتقديم س6 الخاصة بك وانهاء الأمر.
2- في حالة تقاعس الفندق عن القيام بهذا الدور، فعليك أن تتوجه بنفسك لمكتب التأمينات وتحكي لهم حكايتك وتقدم صورة استقالتك وتقوم بالتوقيع مرة أخرى لديهم على س6 ليقوموا بتسجيل ذلك على الحاسب الآلي.

والله أعلم.

محمد يسري علام
مدير موارد بشرية

مكتب تامينات شرم الشيخ يوجد به موظفين واحنا لسه جايين من هناك النهاردة ممكن تكلم اى حد من الفندق يخرجك من التامينات

متشكر جدا يعنى كده هما مش عاوزين يتعبوا نفسهم وبيرحوا التامينات طيب

ممكن بعد اذنكوا تدوينى عنوان مكتب تامينات شرم الشيخ

اخي الكريم
اذا لم تكن المشكله قد حلت بعد
فتوجه الي الهيئه القوميه التامينات الاجتماعيه بالعنوان 3 ش الالفي -القاهرة انزل محطه مترو العتبه
ثم توجه الي ادارة المعلومات بالهيئه ومعك صورة الاستقاله وصورة استمارة 6 وسوف يقومون بإتخاذ الاجراءات اللازمه مع مكتب شرم الشيخ وحل المشكله ان شاء الله