النتائج 1 إلى 2 من 2

الموضوع: موضوع مضحك جدا (كيف تتصرفين إذا عاكسك أحد؟)

#1
الصورة الرمزية رانيا رونى
رانيا رونى غير متواجد حالياً مستشار
نبذه عن الكاتب
 
البلد
مصر
مجال العمل
تعليم اللغة العربية للناطقين بغيرها
المشاركات
1,525

موضوع مضحك جدا (كيف تتصرفين إذا عاكسك أحد؟)

لو عاكسك ...مرمطيه
نصيحه لوجه الله....


حآقولك كآم طريقه تحرق دم آو تودي في داهيه أي حد بيعكسك


ماهو جيل منيل بعيد عنك ياختي تكوني مشيه في حالك لا بيكي ولا عليكي يطلعك


الواد زي عفريت العلبه ويقعد يعاكس ويقرفك يعني زي اللزقه مش بيهمد طبعاً دول


بنشفهم في كل حتة


فمثلا إذا صادفت واحد من الي بيعاكسو ويالهوووووي لو كان


من المراهقين والي لسه بياخد مصروفه من باباه وكمان وزنه زي الريشه


يعني يجي حوالي 40 كيلو وحاول يديكي رقم الموبايل بتاعه وكنتي في طريق


فرعي مافهوش زحمه ناس تعملي ايه ..؟!ّ انا اقولك تعملي ايه ..!ّ


أولا : هانصحك بحاجه وبعد كدا اقلك تعملي معاه ايه :


لازم يابنتى تتفرجي على مباريات المصارعه الحره وتتعلمي منها كام حركه منيله علشان تدمرى أي حد بيعاكسك..


لو كنتي مش بتحبي تتفرجي على المصارعه اشتركي في نادي وتعلمي لعبه الكارتيه و لا الجودو


زوئيه على الارض ... طبعا هاترميه على الارض بعد ما تديه سيف يد فى دماغه ترديه طريحاً على الأرض وياريت تكون ضربتك


له ضربه مخلبيه و قوية شويه بس اوعي تتكي على زمارة رقبته لا يفطس في ايدك و لآ حآجة بعد ما يكون مرمي على الأرض


حطى رجلك اليمين على بطنه علشان تحل البركه ورجلك الشمال استخدميها لتثبيت اديه بعد كدا اقلعي جزمتك


وطاااااااخ ومنين يوجعك لحد ما تطلعي البلا على جتته بس ياريت يكون لون الجزمه


فاتح لونها علشان ما تعمليش في وشه علامات فارقه يعني خليكي حنينه ... وفى الاخر تعمليله الفينيش بتاع الاندر تيكر


طيب لو قبلتي النوعيه دي مثلاً في حديقه او كافتريا او كازينو تعملي ايه الاول لو كان جاي بعربيه ياسلام


تبقى كملت تجيبي مسمار وياريت يكون كبير وتعالي جنب عربيته و إرسمي على الابواب وشنطه العربيه لوحه تستاهل


تتحط في متحف الشمع في فرنسا من حلاوتها يعني بعد ما ترسمي على العربيه بإيديكي الي تتلف في حرير ما يبآنش


لون العربيه الاصلي وياحلاوته لو كانت العربيه لصآحبه او ابوه او مأجرها ياخرابي


حاتطلع عنيه في تصليح ما آفسدته عملته السوده ..


طيب لو قآبلتيه مثلا في السوق اقولك تعملي ايه تخليه يمشي وراكي لحد ما تورم رجليه وتشوفي لسانه طالع لبرا 30 بوصه من التعب ...


ووشه بقى زي الطمطمايه من التعب خدي بقى رقم الموبايل والبيت و ما تنسيش كمان اسمه وروحي حالاً لمكان السفاره الأمريكيه و إكتبي رساله تهديد


بوجود قنبله في السفاره وانك فاعلة خير وان الي عملها واحد و تقولي اسمه و تكتبي رقم الموبايل بتاعه ورقم بيته


وسيبي الباقي على رجال الضفادع البشرية وحرس الحدود ورجال الأمن وكل من له صلة سوف يقومون بتغيير معالم وجهة ....


و احتمال البنتاجون يبعتو قوه من الكوماندوز تقبض عليه ويبقى يخلي المعاكسات الي قرف بيها بنات الناس تنفعه ..


طبعا حليني بقى لحد ما يثبت انه مالهوش دعوة بالتهديد دا و انه بريء لانه هايكون متهم لحد مايثبت العكس و ربنا لا يوريكم ...


بعد ما يخرج احتمال يتخرص عن الكلام خالص او يجيله حول او كساح او شلل اطفال او تلاقيه سارح في ملكوت الله ..


في طريقه تانيه بعد ما تآخدي رقم الموبايل بتاعه و رقم بيته تروحي اقرب إداره لمكافحه المخدرات واكتبي العبارة التاليه


(( كمية حشيش للبيع بسعر مغرى لعدم التفرغ ))



للحجز أو الاستفسار أرجو الاتصال على صاحب الرقم التالي وكتبي بقى رقم الموبايل و رقم البيت و أسمه ....



وبعد كدا ربنا يتولاه برحمته
وقولي عليه يارحمن يارحيم

ههههههههههههههههههههههههه ههههههههههههه

بصوا يا بنات انا هقولكم حاجة الكلام دة مش كلامي دة كلام النت بعيد عنك

اللي انا اعرفه ان البنت المحترمة هي البنت اللي متردش على اي حد يعاكسها وساعتها هيحترم نفسه وهيحترمك حتى لو هو محترمش نفسه تاني
بس سيبيه ولا اكنك شايفاه ولا سمعاه وزي مابنقول (((( كلــــــــــــب وبيهو هو هو هو )))) هههههههههههه


يارب يكون الموضوع عجبكم

#2
نبذه عن الكاتب
 
البلد
المملكة الأردنية الهاشمية
مجال العمل
مدير موارد بشرية
المشاركات
1,647

رد: موضوع مضحك جدا (كيف تتصرفين إذا عاكسك أحد؟)

موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟) رائعة موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)موضوع مضحك جدا (كيف تتصرفين إذا عاكسك أحد؟)

إقرأ أيضا...
مضحك جدا : تعليقات المصريين على حادث اختراق حاجز الصوت بالقاهرة...

-خطاب السادات بعد كسر حاجز الصوت : الأخوة والأخوات، أبناء الشعب الكرام، حادث بسيط فوق المعادي، طيارة مواطن كسرت على طيارة مواطن تاني، وواضح إن المواطن مكنش لابس هدومه، يقوم الإعلام يصورها على إنها... (مشاركات: 1)


موضوع مهم جدا جدا

مساء الخير لجميع الموجودين في المنتدى......... عندي سؤال وياريت حدا يساعدني في حلو والسؤال هو:::: كتابة تقييم مكون من 10بنود عن موظفي قسم الحركه في شركه؟؟؟؟؟ (مشاركات: 0)


موضوع مهم جدا

السلام عليكم ورحمة الله الموضوع بيتكلم عن شغل لاى حد لمن يرغب باختصار اسمه التسويق المباشر او نظام متعدد المنتجات دا نظام جديد بتطبقه الشركات فى مصر بيحولك من مستهلك لمستثمر طيب يعنى ايه تسويق... (مشاركات: 2)


موضوع مهم جدا

(مشاركات: 1)


موضوع بحث

بسم الله الرحمن الرحيم اخ محمد اسماعيل مشرف المنتدى اشكرك على الجهد المبذول في ادارة المنتدى لدي موضوعين لكتابة البحث:1 نظم المعلومات الموارد البشرية ودورها في تحسين اداء المنظمة 2 استراتيجية... (مشاركات: 0)


دورات تدريبية نرشحها لك

برنامج تقنيات الذكاء الاصطناعي باستخدام ChatGPT

برنامج تدريبي يشرح نموذج ChatGPT وكيف يعمل وكيف يتم تدريب النموذج على المهام المختلفة ويشرح تصميم واجهة المستخدم وتطبيقات ChatGPT في مجموعة متنوعة من المجالات وفي نهاية البرنامج يقوم المتدربون بإنشاء مشروع عملي باستخدام ChatGPT


برنامج المعلوماتية الصحية - Health Informatics

برنامج تدريبي يتناول تطبيق المعلوماتية الصحية Health informatics بهدف تحسين جودة الرعاية الصحية وتوفير الخدمات الطبية المتطورة وتحقيق الدعم الكامل للقرارات الطبية من خلال المعلوماتية الصحية


دورة سلاسل الإمداد المبردة - Cold Chain

برنامج يتناول فهم طبيعة وأهمية سلاسل التوريد المبردة ومكونات سلاسل الإمداد المبردة ومناولة وتوزيع المواد والأصناف المختلفة في سلاسل الامداد المبردة والموارد والمعدات المستخدمة في سلسلة الإمداد المبردة والإتجاهات الحديثة في ادارة سلسلة التوريد الباردة


كورس مؤشرات الاداء الرئيسية لادارة المبيعات - Sales KPIs

كورس تدريبي يهدف الى تأهيل مديري ومشرفي المبيعات على أفضل ألية احترافية لدراسة ورصد وتحليل البيانات البيعية واعداد مؤشرات الاداء الرئيسية لادارة المبيعات التي تؤهلهم لتقييم الوضع الحالي.


كورس التوظيف باستخدام شبكات التواصل الاجتماعي

برنامج تدريبي مكثف يهدف الى تأهيل مسئولي التوظيف بالشركات على احتراف استخدام شبكات التواصل الاجتماعي على استقطات وتعيين الكفاءات وسد الاحتياجات الوظيفية في وقت قصير وبتكلفة مثالية، وأيضا على تحسين الصورة الذهنية الخاصة بشركاتهم لدى طالبي الوظائف والمرشحين المحتملين


أحدث الملفات والنماذج