النتائج 1 إلى 4 من 4

الموضوع: مشروع شبابي جدا للشباب في مصر وبأقل التكاليف

  1. #1
    الصورة الرمزية mjanya.com
    mjanya.com غير متواجد حالياً تحت التمرين
    نبذه عن الكاتب
     
    البلد
    ارتيريا
    مجال العمل
    http://www.mjanya.com
    المشاركات
    2
    صفحة الفيس بوك
    صفحة الفيسبوك لـ mjanya.com

    افتراضي مشروع شبابي جدا للشباب في مصر وبأقل التكاليف

    السلام عليكم ورحمة الله وبركاتة

    الحمد لله رب العالمين والصلاة والسلام علي رسول الله محمد صلي الله علية وسلم
    ---------------------

    مع مشروع الموتوسكل ذو صندوق بالخلف




    أد أية المشروع دة مشروع ممتااااااااز للشباب الي لسة بيبتدي حياتة أو معاة رأس مال صغير
    الموتوسكل دة بيعملوا حوالي سبعة الاف جنية
    بس ممكن تشغلة في كل حاجة
    1- ممكن تضع علية أدوات بيع مثل المفكات والمفاتيح والبنسة
    2- أستخدامة في التسويق ودة من أنجح المشاريع
    مثل:
    1- تسويق البقالة سكر مكرونة سمن بتشتري جملة من تجار الجملة التقال في السوق وبتوزع علي محلات البقالة التجزئة
    2- بست
    3- بسكوتات وشيبسيات
    بتختار لك أي تخصص وبتبدي تلف علي محلات السوبر ماركت
    وأعرف انهم بيحبوك جدا وهيفرحوا بيك جدا
    لانهم بدل ما يروحوا يشتروا انتا بتجيلهم لحد عندهم
    4- البيض وتوزيع البيض ممتاز جدا بتفوت علي محلات السوبر ماركت ورخص السعر وربنا يكرمك ان شاء الله
    وبتشتري من تاجر الجملة
    5- أدوات المدرسية توزيع الادوات المدرسية كتب اقلام مساطر برايات كراسات كشاكيل بتجبها بالجملة وتوزع علي المكتبات
    6- صنادل وشباشب وأحذية
    7- شرابات رجالي وأطفالي
    - الخضر والفاكهة
    ممكن تعرض عليها انواع من الفاكهة زي موز وتفاح وبرتقال وليمون ومكسبها جميل وكأن لديك محل متنقل وبتشتري من تجار الجملة
    8-ملابس مثل بناطيل وقمصان وفنلات وجواكت
    تملك من اليوم مشروعك وديرة بنفسك
    وقل معنا لا للبطالة
    والشغل مفهوش عيب
    وممكن تدخل انتا وصديق ليك في مشروع زي دة كل واحد ب تلات الاف ونص
    وكأن معاك سوق بتروح اي مكان زي الاسواق وتقف
    أو التسويق بأنك تفوت علي المحلات سوبر ماركت وبقالة
    والمشروع دة سهل ورخيص وهو مثل التسويق بالسيارة النص نقل
    ولاكن الشباب معهوش فلوس يجيب عربية نص نقل ب 120 الف جنية

    جت لك الفرصة لحد عندك أعمل مشروعك يلا
    المشروع دة جربتة بنفسي بس مش موتوسكل بصندوق لا
    كان تروسكل الي هو زي عجلة وودامة صندوق
    وكنت بزقة انا وصديق علشان مكنش معانا فلوس نشتري موتوسكل
    ومكناش لاقيين حد يساعدنا ولا حد يمولنا ولا حد يقف جنبنا
    وكلو سلف بربا وبلاوي
    وعلشان كدة بأكد من أنة مشروع رائع وممتاز
    وارجو من الجميع أي حد مر باي تجربة ونجح يقول أي افكار
    علشان يساعد الشباب
    بأفكار للمشاريع
    ونريد من الجميع لو أي حد جت لة فكرة وهو بيقرا الموضوع ممكن نستخدم الموتوسكل الجميل جدا دة في أية تاني تسويق أية تاني
    علشان نفتح مجالات كتير للشباب وهو يختار بقي براحتة او بما يتناسب معاة
    10- واحب اضيف ان دة من انجح مشاريع العصر الممتازة ذو رأس مال بسيط وصغير
    والتوزيع من انجح الافكار والمشاريع
    لان جميع المحلات تحب الي يروح لها
    انا لو صاحب سوبر ماركت اتمني البضاعة تيجي لحد عندي واني مروحش اشتريها
    لان لو روحت اشتري يبقي ضياع وقت
    وهقفل المحل او اوقف حد مكاني
    دة غير تكلفة المشال وهتعب
    لاكن ميزة الي بيفوتوا عليا سواء بتروسكل صندوق خشبي او موتوسكل بصندوق او عربية ربع نقل
    بيوفر عليا المشال والبضاعة بتجيلي لحد عندي
    اقسم بالله من اجمل الافكار الي كانت غايبة عن بالي وتفكيري
    والموضوع صعب للوهلة الاولي ممكن تلاقي ناس تقولك شكرا وناس تقولك مش عاوز
    وتتعب انا ساعات كان بيصعب عليا نفسي واحس اني هعيط بس بعد كدة الاقي ناس بتطلب بضاعة بالكراتين من شيبسي وبسكوت وبيسألو عليا مبتجيش لية ومبقتش ملاحق بفضل ربنا
    واحب اقول نصيحتين :
    11- ممكن تستخدم الموتوسكل دة كمان في مشروع تشتري من تجار الجملة للمكتبات الادوات المكتبية الاقلام والكراريس والكشاكيل والاقلام الجاف والمساطر والبرايات والاساتيك والجلادات شغل ومجال واسع وكبير جدا وبمجرد ما تعدي علي المكتبات هيعرفوك ويتعرفوا عليك وان شاء الله يحبوك
    12- انك تشتري من تاجر جملة وجميع مستلزمات الصيدليات والمستلزمات الطبية شغلانة محترمة جدا ومربحة جدا ومحترمة وشيك جدا جدا جدا البرفانات وكريمات ومزيلات العرق وتفوت علي محلات البرفانات وهما بياخدوا شغل بالجملة
    والله العظيم مجال التوزيع مجال واسع جدا بس انتا انوي وفكر وتوكل علي الله وربنا هيكرمك ان شاء الله
    13- ممكن تستخدمة كمعرض لتجارة الاسماك بتشتري الاسماك البلطي والبوري والسردين وانواعة وتعرضها وكانك تمتلك محل ب 150او 200 الف جنية وضع علية تلج المهم
    وان شاء الله تنجح
    مشاريع كتير وافكار كتير دور وفكر في الي يناسبك واعملة وممكن تبقي شريك مع صديق ليك
    14- ومن اجمل الافكار تتفق مع كذا محل جملة انك هتشتري من كشوفات بطلبات ويطلعلك حسنتك
    وبتفوت علي كذا محل سوبر ماركت تقولة لو عاوز اي حاجة نجيبهالك ودة شغلي
    عاوز بسكوت فيري لمبادا او مولتو
    والي عاوز ايريال والي عاوز شيبسيات
    وبتاخد حسنتك في النقلة وكانك مشغلة للنقل ممكن يطلعلك انتا وصاحبك في اليوم براحة 50ج
    من غير راس مال ولا تحتاج لدكان
    15- ممكن تتفق مع اي محل البان بيعمل زبادي بلدي وبيبقي مكتوب علية اسم وتاريخ انتاج وصلاحية وتوزعة ممتاااز
    او رز باللبن
    فكرو ودوروا ومنتظر المزيد من الافكار
    وعاوز اقول اني كنت فاكر اني هلف البلد كلها وهغرق البلد وهمسكها بالبسكوتات والشيبسي
    اكتشفت اني مش قادر علي منطقة ولا منطقتين من البلد
    يعني لو في 1000 شاب شغالين في البلد بالموتوسكلات دي
    والله ربنا بيبعت لكل واحدة رزقة ومحدش بياخد رزق حد
    المهم 16- اكبر غلطة عملناها في المشروع دة هو الشكك اوعا اوعا اوعا تنزل بضاعة ويبقي ليك فلوس يا فلوسك كاش يا بلاش
    والا بعد كدة هتفوت علشان تلم فلوسك وكانك بتشحت منهم والي يقولك معلش انهاردة والي يقولك فوت عليا بكرة وهتتأرف اخر ارف
    انا قولت اهو اوعا الشكك وانتا حر بقي
    منتظر افكاركم للتوزيع والتسويق
    والله لو مسكت اي مجال كفاية البقالة ملياااااااااااااااااااااا اااانة منتجاااااااااااااااات
    شيبسياااااااااااااات بانواعها شيبسي دوريتوس شيتوس كارتية قلبظ شبسيكو
    منتجات بالهبل
    بسكوتات فيري لمبادا شمعدان
    شاي
    سكر سمنة زيت بست مكرونااااااات
    شغل تقيل وكتير وكبير
    17- توزيع الانابيب يا سلااااااااااااام
    المهم لما تنوي تشتغل متتكسفش لان محدش بيديلك فلوس واحسن ما تستلف او تشحت او تمد ايدك واحسن مليون مرة ما تبقي شحط طويل ولسة بتاخد مصروفك من بابا وماما عيب عليك
    انتا بقيت راجل
    توزيع الانابيب بالذات في القري والارياف بيبقوا محتاجينها جدا اقل حاجة 30 او 40 ج براحة يوميا
    18- وبجد من المشاريع المحترمة جدا والمربحة جدا والممتازة تجارة الاكياس جميع المحلات والافران والمكاتب كلو بيحتاج اكياس
    اكياس صغيرة واكياس كبيرة
    بتشتري انتا جملة وتوزع علي المحلات وهو بيفرح جدا انك بتروح لحد عندة
    واكياس اللبن واكياس نص كيلو واكياس تاخد كيلو
    بتشتري من تاجر جملة اكياس وانتا توزع
    والله العظيم
    مشروع جميل جدا وسهل جدا وممكن حتي تعملة انك تلف بعجلة بس وودام سبت وعلي الشبكة وتوزع في الاول بس صعب بعد كدة الناس تعرفك ويتخانقوا معاك انتا مجتش امبارح لية
    انا روحت استلفت اكياس انا روحت شحط اكياس
    بالله عليك ما تتأخر تاني
    الاكياس استهلاكها يومي
    19- توزيع اللبن السايب بتتفق مع معمل البان وتوزع علي محلات سوبر ماركت اللبن
    او بتشتري بالكراتين لبن بخيرة شغل جملة وتوزع علي المحلات
    انا كل كلامي للرجالة للي عاوزين يشتغلوا بجد
    وراجل يعني ميتكسفش وراجل يعني يعرف بالحلال يجيب القرش
    20- الافران يا معلم ياااااااااااااااااااااااا
    لو 5 افران بس مسكت شغلك يكفوك مفيش فرن كل يوم الا وبيحتاج سكر ودقيق وعجوة وملبن وسمنة وبيض ولبن بودرة وزيت وبودرة الكاكاو ونشا ومحسنات طعم وحاجات كتير شغل مية مية
    شغل عشرة علي عشرة والله العظيم
    هذا الزمن زمن الشباب والشغل والتجارة هو زمن التوزيع
    21- توزيع الجبن الرومي الجبن الدوبل بتتفق مع مصنع وتوزع للمحلات
    الجبنة التلاجة الزيتون
    22- ممكن تتخصص في توزيع المنظفات صابون برسيل ايريال مطهرات ارضيات ومطهرات الحمامات
    23- توزيع العسل الابيض ممتاااااااااااااااز
    بتتفق مع احد المناحل وتنزل توزع
    24- توزيع التمور والبلح ودة بالذات قبل وفي شهر رمضان
    25- ممكن تتخصص في توزيع الشاي بجميع اصنافة وجميع انواعة ربع كيلو واربعين جرام
    شاي لورد والعروسة وليبتون
    وشاي فتلة وشاي خرز انواع كتير
    وتتخصص معاة في توزيع البن بتتفق مع احد منتجي البن وتوزع لة بن سادة فاتح
    بن سادة غامق
    بن محوج فاتح بن محوج غامق
    26- توزيع كروت شحن الموبايل علي المحلات الموبيلات واكسسوارات المحمول
    27- ممكن تتفق مع احد مخازن الادوية وتبدأ تفوت علي الصيدليات ويدولك كشف تروح بية للمخزن وانتا كل شغلتك انك توصلها
    28- توزيع جميع مستلزمات الكمبيوتر علي محلات الكمبيوتر من سماعات كي بورد ماوس
    فلاشة
    بجد الي عاوز يشتغل ان شاء الله هيشتغل
    ومازلت انتظر المزيد والمزيد من الافكار
    واختار ما يعجبك ويتناسب معاك وتوكل علي الله
    ربنا يوسع عليكم كلكم ويرزقكم بالحلال
    جزاكم الله كل خير
    والسلام عليكم ورحمة الله وبركاتة
    التعديل الأخير تم بواسطة محمد أحمد إسماعيل ; 08-19-2011 الساعة 12:21 AM

  2. #2
    الصورة الرمزية السينيور
    السينيور غير متواجد حالياً تحت التمرين
    نبذه عن الكاتب
     
    البلد
    المملكة العربية السعودية
    مجال العمل
    أعمال ادارية
    المشاركات
    4

    افتراضي رد: مشروع شبابي جدا للشباب في مصر وبأقل التكاليف

    جزااااااااااااااااااااااا اااااااااااااااااااك الله كل الخير يا اخي العزيز

  3. #3
    نبذه عن الكاتب
     
    البلد
    مصر
    مجال العمل
    تجارة ومحاسبة
    المشاركات
    11

    افتراضي رد: مشروع شبابي جدا للشباب في مصر وبأقل التكاليف

    فعلاً مشروع جيد جداً بس الشباب يبدأ -وجزيت خيراً

  4. #4
    نبذه عن الكاتب
     
    البلد
    ليبيا
    مجال العمل
    أعمال ادارية
    المشاركات
    1

    افتراضي رد: مشروع شبابي جدا للشباب في مصر وبأقل التكاليف

    هل له رخصة ؟ وهل يمكن ان امشي به بدون مضايقة من المرور؟

موضوعات ذات علاقة
انظمه الحضوروالانصرا ف عاليه الجوده وبأقل الاسعار
شركه مصر سمارت سليوشنز Misr smart solution تقدم العرض الذهبى أقل الأسعار المعروضه بالسوق المصري (لكافة الأجهزة الأمنية التي يحتاجها منزلك مصنعك شركتك فيلتك بخصم يصل الى 50% كما... (مشاركات: 0)

ممكن مشروع دراسة جدوى مشروع انشاء مصنع مستلزمات طبية
اخوانى محتاج مشروع دراسة جدوى مشروع انشاء مصنع مستلزمات طبية بارك الله فيكم (مشاركات: 0)

وظائف للشباب في مكة وجدة
للتوظيف فورا في مجال توزيع المواد الغذائية. ويشترط الاتي: -تفرغ. -لديه سياره. راتب اساسي 1500 ريال وعمولة تصل الى 3000 ريال للاتصال (مشاركات: 0)

للشباب المقبلين علي مقابلات عمل كيف تخرج منها متوظف
اسئله الانترفيو للباحثين عن وظائق واشهر مواقع التوظيف اولا في شوية حاجات لازم نكون عارفينها و في خطوات معينة لكل انترفيو و طبعا التوفيق دة من عند ربنا احنا بس نعمل اللي علينا ثانبا اول... (مشاركات: 0)

116 مكتب توظيف للشباب السعودي
للشباب السعودي الباحث عن عمل بيان بعناوين وهواتف مكاتب التوظيف بأكثر من مئة من كبريات الشركات السعودية الشركة النشاط المدينة البريد الرمز الهاتف الفاكس ملاحظات 1 معهد التعليم العام دراسي الرياض... (مشاركات: 0)

أحدث المرفقات
خدمة الإستشارات الإدارية
الكلمات الدلالية


× أغلق النافذة

دبلوم الموارد البشرية - أونلاين


× أغلق النافذة