النتائج 1 إلى 5 من 5

الموضوع: حكمة حصان ..انفض التراب واصعد خطوة للاعلى

#1
الصورة الرمزية علاء الزئبق
علاء الزئبق غير متواجد حالياً مشرف المهارات النفسية ومهارات التفكير
نبذه عن الكاتب
 
البلد
مصر
مجال العمل
أعمال ادارية
المشاركات
5,604

حكمة حصان ..انفض التراب واصعد خطوة للاعلى

حكمة الحصان الحكمة الغائبة

في أحد الأيام
وقع حصان في بئر غائر.

أخذ الحصان يصرخ لساعات

بينما كان الفلاح
يحاول التفكير في طريقة لتخليص حصانه.
حيث أن البئر عميق جداً
والحصان ثقيل
وليس من وسيلة لإخراجه..

أخيرا قرر الفلاح
أن الحصان صار عجوزاً
وليس بحاجته
وأنه لابد أن يدفن على أي حال.
لذلك فلا فائدة من إنقاذ الحصان.


قام الفلاح باستدعاء كل أهل القرية
لمساعدته في دفن الحصان في البئر.

فأمسك كل منهم معول
وبدأ يسكب الرمل في البئر.


عندما استنتج الحصان ما يحدث
بدأ في الاستفادة من الموقف.
وبعد لحظات هدأ الحصان تماماً.

حدق الفلاح في أسفل البئر
فتفاجأ مما رآه.

ففي كل مرة
ينسكب فيها الرمل من المعول
يقوم الحصان بعمل شيء مدهش.

كان ينتفض
ويسقط الاوساخ الى الأسفل
ويأخذ خطوة للأعلى
فوق الطبقة الجديدة من الرمال.

و بينما الفلاح وأهل القرية
يلقون الرمال والاوساخ فوق الحصان
كان ينتفض ويأخذ خطوة للأعلى .

وبعد فترة
وصل الحصان لحافة البئر
وخرج

بينما انصدم واندهش الفلاح وجيرانه
من حكمة الحصان
التي لم تخطر لهم على بال .



*****


ما هي الفائدة من طرح القصة ؟؟؟



بعد قراءة الحكاية
تعالوا نشوف
ما هي الفائدة من طرح القصة ؟؟؟


1


* الحياة سوف تلقي علينا
بالرمال أي المشاكل،
كل أنواع المشاكل،

وفكرة الخلاص من البئر
هي أن لا تدع الأوساخ تدفنك

ولكن تنفضها جانباً
وتأخذ خطوة للأعلى .


2


** كل مشكلة تواجهنا في الحياة
هي حفنة تراب
يجب أن نخطو فوقها.


3


*** نستطيع الخروج من أعمق مشكله
و لكن يجب أن


لا نتوقف

ولا نستسلم أبداً



وتذكر انفضه جانباً
وخذ خطوة فوقه

#2
الصورة الرمزية yoo
yoo
yoo غير متواجد حالياً مبدع
نبذه عن الكاتب
 
البلد
مصر
مجال العمل
موارد بشرية
المشاركات
186

رد: حكمة حصان ..انفض التراب واصعد خطوة للاعلى


إقلع غماك يا تور وارفض تلف
إكسر تروس الساقية و اشتم و.....
قال : بس خطوة كمان .. وخطوة كمان
يا اوصل نهاية السكة يا البير تجف
عجبى!!!!!

#3
الصورة الرمزية علاء الزئبق
علاء الزئبق غير متواجد حالياً مشرف المهارات النفسية ومهارات التفكير
نبذه عن الكاتب
 
البلد
مصر
مجال العمل
أعمال ادارية
المشاركات
5,604

رد: حكمة حصان ..انفض التراب واصعد خطوة للاعلى

حكمة حصان ..انفض التراب واصعد خطوة للاعلى المشاركة الأصلية كتبت بواسطة yoo حكمة حصان ..انفض التراب واصعد خطوة للاعلى

إقلع غماك يا تور وارفض تلف
إكسر تروس الساقية و اشتم و.....
قال : بس خطوة كمان .. وخطوة كمان
يا اوصل نهاية السكة يا البير تجف
عجبى!!!!!
حكمة حصان ..انفض التراب واصعد خطوة للاعلى المشاركة الأصلية كتبت بواسطة yoo حكمة حصان ..انفض التراب واصعد خطوة للاعلى
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعجبني .. جدا ..yoo

أتمني التواصل ... وأهديكي ..

رباعيات .... عجبى .... صلاح جاهين ... حصريا

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!




ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!


ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!



و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!



أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!



يا باب يا مقفول ... إمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!



أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!


كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!



عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!


رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة تصبح وحوش
و صاحبت ناس م الخمرة تصبح بشر
عجبي !!!!


سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!


ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!


نوح راح لحاله والطوفان استمر
مركبنا تايهه ولسه مش لاقيه بر
اه م الطوفان واهين عليك يا بر
ازاي تقدر تبان والدنيا غرقانه شر
عجبي !!

علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!



انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!


ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!


يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!




شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!




أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!



إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!



إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!



الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!




على بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!




إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!


نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!



- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!




في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!




السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!





وقفت بين شطين على قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!




سرداب في مستشفي الولاده طويل
صرخات عذاب ورا كل باب وعويل
.. وفي الطــــــريق متزوقين البنات
متزوقـــــــــــــين للحب و المواويل
عجبي !!




الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!





أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!





نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!



يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!



كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!



ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!




ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!




مع خالص تقدير وتحيتي ... لكم وعجبى !!!!!!

#4
الصورة الرمزية yoo
yoo
yoo غير متواجد حالياً مبدع
نبذه عن الكاتب
 
البلد
مصر
مجال العمل
موارد بشرية
المشاركات
186

رد: حكمة حصان ..انفض التراب واصعد خطوة للاعلى

أ / علاء الزئبق
أشكرك على اهدائى لربعيات جاهين و التى اعشقها جدااااااااااااااااااااااا اااا فلقد فرحت جدا برؤيتهاحكمة حصان ..انفض التراب واصعد خطوة للاعلى
و احب قرائتها و قليل لما اجد أحد بيقراها بالرغم انها جميلة جداااااااا

قالوا ابن آدم روح و بدنه كفـــــــــــن


قالوا لأ بدن . قالوا لأ ده روح في بدن



رفرف فؤادي مع الرايات في الهــــــوا


أنا قلت لأ روح في بدن في وطــــــــن


عجبي !!!




الدنيا صندوق دنيا .. دور بعــــد دور



الدكة هي .. و هي كل الديكـــــــــور


يمشي اللي شاف ويسيب لغيره مكان


كان عربجي أو كان امبراطــــــــور


عجبي !!!



يا ملونين البيض في شم النسيـــــم


لون الحنين و الشوق و خمر النديم


ما تعرفوش سايق عليكو النبــــــي


تلونوا الأيام بلون النعيــــــــــــــم ؟


و عـــجـــبى !!!!!!!


نقطة مرارة كمان علي مشروبـــــــــــي


دوبها يا ساقي حسب مطلوبـــــــــــــــي


صعب الحياة .. مش برضه فيها و فيها ؟


ليالي وردي و نهارات خروبــــــــــــي ؟


و عـــجـــبى !!!!!!!
مع خالص شكرى!!!!!!!!!!!!!!!!
التعديل الأخير تم بواسطة yoo ; 25/8/2010 الساعة 13:07

#5
الصورة الرمزية علاء الزئبق
علاء الزئبق غير متواجد حالياً مشرف المهارات النفسية ومهارات التفكير
نبذه عن الكاتب
 
البلد
مصر
مجال العمل
أعمال ادارية
المشاركات
5,604

رد: حكمة حصان ..انفض التراب واصعد خطوة للاعلى

جميــــــــلة
وخيــــــــــــــــر بإذن الله يا يوو
وأتمني أن تكوني سعيده بيننا
ونأمل في مزيدك في التواصل

إقرأ أيضا...
حكمة ادارية

لاينتهي المرء عندما يخسر ولكن عندما ينسحب (مشاركات: 6)


حكمة ضرب الله تعالى المثل بالبعوض

إنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا بسم الله الرحمن الرحيم إعجاز يبهر العقول .. سبحان الله العظيم ……..لا يصدق عن البعوض؟؟ اقرأ ثم قل سبحان الله العظيم!!... (مشاركات: 10)


حكمة العجوز

حــكــمة العــجــــــوز حُكيَ أن أحد الملوك قد خرج ذات يوم مع وزيره متنكرين، يطوفان أرجاء المدينة، ليروا أحوال الرعية، فقادتهم الخطى إلى منزل في ظاهر المدينة، فقصدا إليه، ولما قرعا... (مشاركات: 10)


نصوص من حكمة لقمان

يا بني ! ارج الله رجاءً لا تأمن فيه مكره، وخاف الله مخافة لا تيأس بها رحمته. يا بني ! أكثر من قول : رب اغفر لي، فإن لله ساعة لا يُردُّ فيها سائل. يا بني ! إن العمل لا يستطاع إلا باليقين، ومن يضعف... (مشاركات: 4)


دورات تدريبية نرشحها لك

دورة الصحافة الإلكترونية

برنامج تدريبي يتناول تعريف ومفهوم الصحافة الالكترونية والمهارات المهنية للصحفى الإلكتروني والكتابة الفعالة لصفحات الموقع الإلكتروني واعداد المحتوى والافكار و الشكل الهيكلى والتفاصيل وتحرير الخبر الالكتروني والتواصل والتعامل مع المصادر والصحفيين ومبادئ التعامل الصحفى مع السوشيال ميديا "مواقع التواصل الإجتماعى" وبرامج الإنترنت وتطبيقات الموبايل المستخدمة لتحسين جودة المنتج الصحفى وتعديل الصور الصحفية وطريقة تحريرها


دبلومة المعايير السعودية لمراكز الأسنان (سباهى)

دبلوم تدريبي يهدف لشرح المعايير السعودية سباهي لمراكز الاسنان يمكن المتدربين المشاركين من فهم المعايير والمتطلبات المثلي لضمان جودة الخدمات المقدمة في مراكز الاسنان


برنامج تحليل وتقييم المخاطر السيبرانية

برنامج يتناول مفهوم الامن السيبراني وأمن البيانات وعملية جمع وتنظيم معلومات المخاطر الالكترونية ووضع معايير تقييم المخاطر الالكترونية وتطوير استراتيجيات الاستجابة للمخاطر ويستعرض أدوات وتطبيقات لتقييم وإدارة المخاطر على البنية التحتية لمعلومات المؤسسة و تحديد وتنفيذ الضوابط الأمنية التي تلبي متطلبات Fisma, OMB وإدارة المؤسسة ويستعرض الحلول السحابية للأمن والحماية.


كورس صيانة اجهزة عيادات الاسنان

كورس تدريبي مكثف يعلمك صيانة واصلاح وتركيب أجهزة عيادات الاسنان مثل أجهزة الأشعة السينية وأجهزة التنظيف والتعقيم وأجهزة الحفر والتحضير وغيرها بطريقة صحيحة وآمنة


الدبلوم التدريبي المتقدم في المحاسبة الحكومية

أول برنامج تدريبي عربي متخصص يتناول أوجه الاختلاف بين النشاط الحكومي والنشاط الاقتصادي وتعريف المحاسبة الحكومية وأثر التشريعات على المحاسبة الحكومية ومتطلبات المحاسبة الحكومية ووظائف المحاسبة الحكومية وأدواتها و الاتجاهات الحديثة فى المحاسبة الحكومية و المداخل المختلفة لتفعيل الرقابة المالية عبر التقارير المالية في الوحدات الحكومية و تطوير النظام المحاسبي الحكومي لأغراض المحاسبة عن الكفاءة والفعالية و الرقابة على الموازنات الحكومية


أحدث الملفات والنماذج