1 - جهز نفسك لموجة غلاء متوقعة .. استعد و Brace for Impact لتلقي تغييرات ممكن تكون كبيرة على مستوى نمط حياتك العادية .


2- حاول تستوعب أن الـ 10 جنيه ملهاش قيمة ، مقارنة بـ 10 سنوات مضت مثلاً .. دا شيء طبيعي ، قبل حتى التعويم .. ضبطّ نفسك على الوضع الجديد ..


3 - قلل تواصلك الإجتماعي مع الناس بشكل كبير الفترة المقبلة تحديداً ، لأن الإحباط هيكون الأساس ، والطاقة السلبية في كل مكان..


4 - استجمع شتات نفسـك ، و Get Your Shit Together وابدأ في التفكيـر بشكل صحيح بخصوص الفترة المقبلة ، بناءً على الحقائق مهما كانت مؤلمة..


5- فرصة ممتازة انك تبدأ تشتغل على نفسك وتطوّرها .. استغل مناخ الأزمة في انك تقلل مستوى ( العلـو*** ) في دمك لأدنى مستوياتها على الإطلاق في تاريخ حياتك كلها .. وارفع مستوى الـ ( Stamina ) لأعلى مستوياته على الإطـلاق في تاريخ حياتك كلها..


========


6 - اعمل Destroying لمصاريفك الكمالية كلها ( السجائر ، البيبسي ، الشيشة ، إلخ )


7 - لو بدين ، فدا الوقت المناسب لعمل الدايت .. تسترجع صحّتك ، وتقلل مصاريفك في نفس الوقت ..


8 - استهدف العمــل بوظيفـة تدرّ عليك دخل بالدولار ، مش بالجنيه ..


9 - ابدأ شغلك كمستقـل عبر الإنترنت .. اقرأ البوست دا للأهمية القصوى ( مهم جداً ) كمدخل لبداية عمـلك كمستقل https://goo.gl/xz9PKT


10 - اقرأ الموضوع دا كمان https://goo.gl/8Bz8LH


** ملحوظة :


العمل كمستقل Freelancer ، بيفتح بيوت ومردوده جيد جداً .. والله العظيم دا بيحصل فعلاً .. كشغل نظـامي ، وكشغل بالقطعة ..


متخليش حد يضحك عليك ويقنعك انه ( تسويق شبكي ) أو ( نصب آخر ) .. العمل المستقل هو أساس الوظائف في العالم كله حالياً .
========


11 - اقرا الـ Discussion دي على I/O .. من اهم واعظم النقاشات اللى بتقولك تعمل ايه لما الدولار يرتفع ، بل وازاي تستفيد ، سواءً كان عندك دولارات ، أو عملة محلّية .. مهم جداً
https://io.hsoub.com/entrepreneurship/39005


12 - ارفع معدلات الصدقات ، الإحسان ، مساعدة الآخرين بنسبة 100 %


13 - لو طالب في مدرسة أو جامعة ، اتعلم Skill واشتغل عليها فوراً عشان تـ Get on Stage في زمن قياسي ، وتبدأ شغلك.. مفيش وقت اقسم بالله ..


تابع كل مواقع التعليم الذاتي المميزة ، زي أكاديمية حسوب ، رواق ، إدراك ، أكاديمية التحرير ، إلخ .. كلها مواقع بتعلمك ازاى تطوّر مهارات تشتغل بيها ، خارج سوق العمل النظامي..


14 - لما تبدأ كفـريلانسر ، نصيحتي في البداية انك تركز على انك تتعلم Social Media Management و SEO و Digital Marketing ..


هم أساس العمـل المستقل على الويب حالياً ، ولها مردود مادي ممتاز ، مهما كانت المؤسسات صغيرة أو متوسطة. والأهم ، تقدر تبدأ فيها سريعاً ، بعكس البرمجة والتصميم اللى محتاجة شوية وقت.


15 - لو انت ( موهوب ) في أي شيء ، استغله بأي طريقة .. لو موهوب في الرسم ، بيع رسومـاتك على مواقع الخدمات المصغّــرة زي موقع خمسات .. تكرار المبيعات هيكون له مردود ممتاز عليك..


16 - لو عندك خبـرة في أي شيء – مهما كان - ، اعمـل كورس ، وبيعه على خمسـات بمبلغ كويس ، أو يوديمي .. المهم انك تستغل الخبـرة دي في درّ ربح ، حتى لو خبرة في فن التطريز ..


============


17 - اتعلم من تجارب الدول المحيطة .. العملة انهارت في سوريا – مثلاً – من 50 ليرة أمام الدولار ، الى 500 ليرة .. اسألهم عايشين ازاى ، وهما هيجاوبوك ..


اقرا الموضوع دا ، نصائح مركّزة بخصوص تراجع العملة المحلية ، بناءً على تجربة السوريين .. مهم جداً : https://io.hsoub.com/financial/48922


18 - سجّــل في كل مواقع العمــل الحر .. موقع مستقل .. نبّش .. بيكاليكا .. خمسات .. لينكيد إن .. خللي عندك موطئ قدم في كل منافذ ( العمل المستقل ) على الانترنت ..


19 - بشكل عام ، استهدف كل وسائل الربح الاليكتروني .. اعمل قنـاة جادة على Youtube تربح منها بالتدريج .. اعمـل موقع كامل بنفسك ونزّل عليه محتوى ، واربح من اعلاناتها .. اقرا المقال دا : http://www.k3af.com/make-a-website


الموضوع هياخد شوية وقت لحد ما موقعك ، أو قنـاتك تزدهر وتعود عليك بعائد جيد .. اعتبره استثمـار بعيد المدى .. أفضل مليون مرة من قعدات الفيسبوك


20 - العمل المستقل هو أساس كل شيء .. محتاج وصلة نت + لغة كويسة + Skill عظيمة ..


21 - لو بتشتغل في وظيفة ، وقررت تتركها – لأي سبب - .. أجّـل القرار ، ولو فترة بسيطة لحد ما تعرف ما هو قادم الفترة المقبلة.


============


22 - لو بتشتغل في وظيفة ، وانت كارهها ، ومديرك قارفك في عيشتك ، ومفيش بديل .. حاول تفتح معاه صفحة جديدة ، تكون الحياة أكثر لطفاً بينكم ..


23 - لو هتبدأ Start Up ، ركّز بشكل كاسح على الاستفادة من الكسـاد الاقتصادي اللى عايشين فيه .. انك تبدأ موقع توظيف مميز ، أو بيع وشراء منتجات أساسية بأسعار مخفّضة ، إلخ ..


اقرا للأهمية : https://goo.gl/5pfnSa


24 - اتفرج على أفلام الكسـاد الإقتصادي اللى حصل في العالم وقت الازمة المالية .. رغم ان المشكلة مختلفة تماماً ، لكن عيش حالة الأزمة نفسها ، وفكّــر زيهم : The Big shorts ، The company men ، money never sleeps ، إلخ ..


25 - ارفع معدل الصدقات ، الإحسان ، مساعدة الآخرين بنسبة 100 %


26 - قلل تحرّكاتك وتنقلاتك .. كل شيء ينفع يتعمل عن طريق الانترنت ، اعمله عن طريق الانترنت أو الخدمات الأونلاين ..


============


27 - هاجِـــر / سافـر ، بمجرّد ما تلوح الفرصة ..


28 - ابدأ مشروع صغيّـر ، ولكن بحذر .. مترميش أي جنيه الا وانت دارس مردوده جيداً ..


29 - كل يوم يمر عليك ، اتعلم معلومة / skill / طريقة بحث .. تدخلها في حيّز التطبيق اللى يعود عليك بمردود مالي ولو بعد حين ..


30- هاجِـر / سـافر ، بمجرد ما تلوح الفرصة ..


31 - ارفع معدل الصدقات ، الإحسـان ، مساعدة الآخرين بنسبة 100 % ..


(( تحديث : ))


32 - قنـاة يوتيـوب عربية جادة لشرح العمـل الحر بالتفصيل ، بعيد عن المبالغات أو الاستطرادات .. مهم للمبتدئين تحديداً متابعتها
https://goo.gl/V7CK1v


=====


أخيراً .. إيّــاك تتذلل لأي أحد تحت أي ظرف ، أو تتملّق للآخرين ..


ربّك هو الرزّاق في الأول والآخر .. لا تسمح لمخلوق انه يحاول يقلل من كرامتك ، أو يساومك لأنك محتاج أو في أزمة مالية ..


طالما بتتحرك ، وبتوجد بدائل طول الوقت ، وبتتعلم طول الوقت ، وبتنمّي مهاراتك وبتدخلها في حيّز التطبيق بسرعة ، ربّك هيبعتلك الفرص بنفس مقدار جهدك في السعي وراها ..


أزمة وهتعدّي .. ربنا يرزقنا جميعاً ..