تعرف على خطوات استقدام الزوجة والأولاد الى السعودية بالتفصيل مع اخر تحديث 2016


بسم الله
اولا اجراءات استخراج جواز السفر
اولا عليك التعرف على فرع لمصلحة الجوازات والهجرة والجنسية الذي تتبع له
ثانيا المستندات العامة المطلوبة لمستخرج الجواز لاول مرة
بطاقة الرقم القومي لمن بلغت اعمارهم 16 سنة
شهادة الميلاد رقم القومي لمن هم دون 16 سنة
شهادات القيد الدراسي للطلبة والطالبات يعنى لو طالبة جامعيه هتخدى شهادة
الثانوية
عدد 4 صور ملونة على ان تكون الصور حديثة مقاس 6×4 بخلفية بيضاء
المؤهل الدراسي متوسط – عالي يعنى شهادة التخرج
قسيمة الجواز ويفضل انها تكون كمبيوتر
قيمة رسم جواز السفر المميكن 140 جنية تقريبا ويسلم الجواز بعد ثلاثة ايام
من يوم تقديم الطلب
جميع المستندات السابقة تقدم اصولها وصورة منها لمناظرتها بمعرفة الموظف
المختص واعادة الاصل
اول ماتروحى هيدويكى استمارة تمليها بيانات وتستنى دورك وتقدميها وتدفعى
الرسوم الجواز اللي معاكى صالح لمدة 7 سنوات من تاريخ استخراجة
كمان عاوز انبه ان الطفل دلوقتى له جواز سفر منفصل عن امه حتى لو عمرة شهر واحد


الاوراق المطلوبة من الزوج علشان الاستقدام
اولا لازم تكون مهنته يسمح لها بعمل الاستقدام
ثانيا شهادة المؤهل او التخرج وتكون موثقة من الخارجية المصرية والقنصلية
والسفارة والملحق الثقافى
قسيمة الزواج وبتكون موثقة من الخارجية على الاقل
شهادات ميلاد الاطفال وموثقة ايضا من الخارجية
صورة من الاقامة وكمان الاصل وتكون الاقامة سارية مش منتهية
طبعا فيه اوراق تانية وبتكون خاصة بمهنه الزوج مثل مشهد بالراتب وغيره
بيروح الزوج مكتب الاستقدام ويقدم الاوراق وبيدفع 2000 ريال
وبياخد الورقة الصفرا ورقة الاستقدام
ملحوظة الاستقدام مش بيتفعل علطول يعنى الزوجلو استلم الورقة وبعتهالك
استنى مابين استخراج ورقة الاستقدام ومعادك في
تساهيل اسبوع يعنى جوزك بعتلك الورقة النهاردة مثلا الاحد احجزي معاد في
تساهيل الاحد اللي بعده










ندخل بقي في موضوع مكاتب تساهيل
اولا دى بقت اساسية في موضوع الاستقدام والزيارة
ليهم 11 فرع على مستوى الجمهورية
سموحة كوبري 14 مايو بجوار نادي النصر برج سموحة جراند – الاسكندرية
cairo1
44 مبني سوميت شارع التسعين الشمالي التجمع الخامس القاهرة الجديدة
cairo11
عمارة سرايات الروضة 61 شارع عبد العزيز ال سعود المنيل القاهرة
cairo111
قطعة 25 عمارات الملتقى العربي طريق الاتوستراد مساكن شيراتون مصر الجديدة
بجوار معرض سن سيتى عن معرض سياات ب اوتو
الجيزة 1
4 شارع الفواكه المهندسين الجيزة
المنيا: 6 ميدان ناصر قصر الثقافة المتفرع من شارع طه حسين ارض سلطان
سوهاج: المجمع 33 شارع الجمهورية،
الجيزة: برج النوال 6 شارع حسن محمود الرزاز ” نوال سابقا “ العجوزة
السويس: برج السعد حى المحروسة مربع رقم 40 ابراج المحروسة
بورسعيد: برج المغربي شارع جمال عبد الناصر وطرح البحر حى شرق
مرسي مطروح مطروح: مبنى جلال 80 شارع علم الروم الفيروز،
طنطا الغربية: طريق ابو بكر الصديق والمامون البحري مع تقاطع النحاس والفاتح.
الرقم اللي تتصلى عليه 16161
طيب كدة العناوين احجز ازاى
في حلين تتصلى على الرقم ده 16161 وبيردو بس بتستنى انتظار شوية

او تحجزى من على النت وتدخلى على الموقع هتلاقى عندك خيارات كتير اختارى طريقة
تقديم الطلب
هيفهمك ازاى تملى الطلب على النت لو انتي زيارة هتختارى انك
زيارة والاستقدام تختارى اقامة
وبعد ماتشوفى الطريقة تروحى على كلمة حجز موعد
وتبدئى تملى الطلب بتاعك لازم جواز السفر يكون معاكى لانه بيحتاج بياناتك منه
الحمد لله حجزتى طيب عاوزة تغيرى المعاد ممكن بس قبلها بثلات ايام لان اقل
مدة تغيرى معادك فيها قبل المعد ب48 ساعة
المهم تروحي بدري عن معادك لأنك مش عارفة ظروفك إيه وتاخدي معاكي التالي:
اصل جواز السفر و صورة منه
الا تقل صلاحية جواز السفر عن ستة اشهر
صورة من اقامة زوجك
نموذج استمارة طلب تاشيرة الدخول من موقع انجاز موقع من قبل طالب
التاشيرة(الطلب اللي انتي ملتيه على النت هتطبعيه وتخدية معاكى)
وطبعا هتخدى معاكى فلوس بزيادة هما كاتبين في اخرالورق اللي هتطبعيه الفلوس
المطلوبة
عدد 2 صور شخصية حديثة بخلفية بيضاء
وجود صفحتين خاليتين متقابلتين علي الاقل في جواز السفر
اثبات صلة القرابة مصدق من الجهات المختصة.(يعنى لو طفل يبقي شهادة الميلاد
ولو انتي يبقي القسيمة وياريت صور ة البطاقة)
الورقة الصفر اورقة الاستقدام
هتروحى تقولى
انك عندك معاد سواء معاكى ورق الطلب او حجزتى معاد بالتليفون لو بالتليفون
هيديكى رقم خاص بيكى تدخلى بيه
هتدخلى هتطلعى على السلم وتدخلى يمين هتلاقى امن وبنت بتفتش الشنط..
هيقولولك ادخلى شمال للبنات اللي واقفين واديهم ورقك..هتلاقى طابور تقفى
فيه…فى بنت من اللي هناك هتاخد ورقك وهتقولك عايزه صورة قسيمه وصوره خلفيه
بيضا وصورة جواز و صورة الاقامه
طبعا بتاخدى رقم وتفضلى مرتاحه
ولما يجى رقمك على الشاشه ادخلى بقاا المكتب
هتلاقى اتنين موظفين على مكاتب اللي فاضي فيهم تقعدى قدامه هياخد منك الورق
هيدخل بياناتك ..وبتقعدى شويه بعدها هتلاقيه نطق وقال عندنا خدمه
رسايل على الموبايل …ان كل خطوه بتخلص في ورقك بتجيلك على الموبايل رساله
ده غير انك ممكن تتابعى على الويب سايت بتاعنا..ا.قولتله اووك هشترك فيها
تقريبا بعشرة جنيه
طبعا لو محدش قالك على الرسايل اطلبى انتي تشتركي فيها
طبعا هتدفعى الفلوس تقريبا 400 والاطفال 300
وهتاخدى وصل طوويل عريض..الوصل ده مهم جداااا اوعى تضيعيه لان ده اللي
هتستلمى بيه جوازك ان شاء الله لما تاشيرتك تطلع
المهم بتاخدى ورقه كماان …دى برضو مهمه جداااا .اسمها ورقة النت..دى
اللي بتعملي بيها التحاليل وممكن تعملي التحاليل دي فى نفس اليوم
(_الشرح القادم علي إن جهة القدوم القاهرة_)
المعامل اخرها الساعه 3 وبعدين مش هتتاخرى اخرك 5 دقااايق. لكن الكشف بيطول جدااومكتب جامكا اخره الساعة 4
المهم تطلعى على معامل وزارة الصحه
ده عنوانها لاني في تسهيل سالتهم على العناوين وادوهالى
ده العنوان >>>
فى 19 شارع الشيخ ريحان
باب اللوق وسط البلد
المهم هتوصلى هناك… مش هتحتاجى غير الجواز وورقة النت معاكى ومش حتحتاجى تصورى اى ورق تاني
هتتمشى خطوتين كده وهتوصلى..غرف التحاليل في دور تاني كده..هتدخلى هتلاقى
بتاع حسابات تدخلى تديله الجواز وورقة النت..هيقولك الرسوم 250 جنيه..
المهم هيقولولك ادخلى جوا..بتدخلى تلاقى اتنين على كمبيوتر كده..بياخدوا منك الجواز وورقة النت..بعدها
بيدوكى وصل .الوصل ده حاافظى علييه هقولك لييه بعدين..
المهم هتلاقى اتنين بيسحبوا عينات الدم..اى حد فاضي فيهم اقعدى قدامه علشان
تنجزى في الوقت..وفى ثواني خلاص خلصتى الحمد لله..
تنزلى بعد كده من هناك تشيلى الوصل في شنطتك وتخلى معاكى ورقة النت اوعى
تنسيها والجواز وتطلعى على فين مكتب جامكا
هلاقى عربيات وتكاسي كتير بيخدو على الواحد 20 جنيه ويوصلك لحد باب المكتب
هو عنوانه ده 6 شارع عائشة التيمورية – جاردن سيتى – بجوار قسم قصر النيل
المهم وصلتى جامكا تمام حتدخلي تاني باب وحتدفعى عشرين
جنيه وياخدوا البطاقة ويصوروها ويدوكى الأصل وترجعى تاني تدخلي من
الباب الاولاني هتنزلى سلمتين وبعدين تدخلى شمال..بتاخدى كارت عليه رقم
.والراجل اللي بيديكى الكارت بيقولك ارتاحي في اوضه رقم كذا..
بتروحى على الاوضه بتلاقى ستات..تقعدى معاهم..وكل شوية بيجي واحد ينادي 5
ارقام..او مثلا يقولك من رقم 20 ل 25… بتروحوا على اوضه كده..فيها 3 موظفين
وكل موظف قدامه كمبيوتر وكاميرا..المهم بترتاحي شويه برضو لغااية لما ينادي
رقمك. بياخد منك ورقة النت والجواز وشويه كده وتلاقية بيقولك ارجعى ورا
شويه بعد اذنك وبصى للكاميرا بيصورك زى البطاقه كده .
المهم شويه وبعدين بيديكى ورقتين كده وبيقولك هتروحى على مستشفى كذا..طبعا
هما اللي بيحددولك المستشفى اللي بتعملي فيها الكشف..
المهم بتدخلى لوحدك في الريسبشن بتسلمى ورقة النت والورقتين اللي معاكى من
جامكا والجواز..
و الرسوم 410. تقريبا المهم ويديكي وصل وبرضو حااافظى علييه ويديكي رقم
وترتاحي شويه.
لما يجي دورك حتلاقي موظف قاعد على
كمبيوتر وكاميرا برضوياخد صوره برضو وياخد بصمة صوباعك.
وبعدها بتبدأي فى الكشف الكامل نظر وصدر واشعات وحاجات كلها مش حتاخد منك اى وقت
فى النهاية بتاخدى الجواز وتتاكدى ان المستشفى ختمت الجواز عادة بيتختم من اخر صفحة وتروحى
بعد ها بيوم حتجيلك الرساله دى
لقد تم قبول التاشيره في مركز خدمة التاشيرات
المهم كده.خلصتى كشف وتحليل ومستنيه النتيجه ؟؟
نيجى للنتايج. النتايج بتظهر على النت بعد 48 ساعه من الكشف والتحاليل..
والمعامل المركزية بعدها ب 3 ايام
وبتجيلك رساله بتقول نتيجة الفحص الطبى لائق صحيا وتودي الجواز بعد الرسائل دي لتساهيل
نفس اليوم حتجيلك الرسالة دي
تم ارسال طلب التاشيرة لسفارة المملكة للتنفيذ
طيب اعرف نتيجة الكشف ازاى على النت؟؟
اولا الكشف الطبى من موقع انجاز من خلال اللينك ده
هتختارى البحث عن تاشيره باستخدام رقم الطلب
بعد كده رقم الطلب ده اللي هو رقم انجاز..طب اجيبه منين رقم انجاز ده؟؟
فاااكره الوصل اللي اخدتيه من تسهيل الطويل العريض ده؟؟
هتلاقى فيه رقم انجاز .والرقم بيبدا بحرف E وبعددين ارقااام. بس لما تيجى
تكتبيه هنا هتكتبيه من غير حرف ال E
بعد كده تكتبى رقم الجواز والحرف اللي فيه يكون small
بعد كده تكتبى الكود اللي في الصوره
وان شاء الله هتلاقى علامة صح ومكتوب تم اصدار الشهاده الصحيه لهذا الطلب
وبكده يكون الكشف الطبى تمام الحمد لله
بتروحى بقا تاني يوم وطبعا معااااكى الوصل
وتروحى تستلمى التاشيره..
وتحجزي طيران أنتي والأولاد وتوصلوا المملكة بسلامة الله
سائلين المولي عز وجل أن ييسر لكم الحال ونتمني لكم إقامة طيبة
مع تحياتنا..