أكيد كلنا سمعنا عن “Bill Gates” و “Mark Zuckerberg”
او المنصب الدارج بتاعهم؛ “صاحب ميكروسوفت” و “مخترع الـ فايسبوك”.. بس اللي مش معروف بين الناس هو ان الشخصين دول ممكن نصنفهم علي انهم ايه؟.. تجار؟ ولا مخترعين؟..
الاجابة ع السؤال دا صغيرة جدا بس دا مش معناه انها بسيطة او سهلة..
الاجابة ع السؤال هيا “لا ده ولا ده” الشخصين دول مقدرش اصنفهم علي انهم رجال اعمال ولا مخترعين, مش بالظبط يعني.
التصنيف الحقيقي ليهم و اللي النهاردة هنتكلم عنه هو انهم
Entrepreneurs, عارفين ان الكلمة صعبة شوية, و دي للأول مرة يسمع عنها معناها “رواد اعمال”.


و ريادة الاعمال مش محتاجة انك تكون متخرج او معاك فلوس كتير او حتي اشتغلت قبل كدا, هيا بس محتاجة فكرة و مجهود و اصرار انك توصل للهدف اللي انت عايزه, و الاهم من كدا ان يكون عندك خطة, منظمة و واضحة.


علشان كدا ICareer Trainingجابتلك الـ 6 خطوات اللي محتاجها علشان تبقي Successful Entrepreneur و هما كالاتي:


1- قيّم مهاراتك المعرفية و الوظيفية و حدد اهدافك.


2- دوّر علي فكرة تناسب مؤهلاتك اللي قيمتها ف الخطوة اللي فاتت.


3- ادرس منافسينك ف نفس المجال و جهز نفسك انك تبقي اقوي منهم.


4- اعمل Business plan محترمة و دقيقة.
و دي ممكن تعرف بتتعمل ازاي من اللينك دا:
How To Write A Business Plan | Entrepreneur.com


5- استعين ب شخص ذو خبرة سابقة ف المجال ده, بس خد بالك, الشخص ده مش هيبقي اكتر من مجرد Mentor او مسؤول عن انه يديك نصيحة, انت صاحب القرار الوحيد في الـBusiness بتاعك.


6- سجل فكرة مشروعك, ابتدي المشروع, و ولّع الدنيا!


نصيحتنا ليك انك ماتخافش, تعرف ان فيه اكتر من 28 مليون مشروع صغير ف الولايات المتحدة الامريكية؟.. طيب تعرف ان فيه حوالي 520 الف مشروع جديد بيفتح كل شهر!


هل تعلم ان 7 من كل 10 مشروعات بتكمّل في سوق العمل لاكتر من سنتين, و 1/3 بيكمل لاكتر من 15 سنة كمشروع ناجح!


iCareer بتقولك لو عايز تنجح يبقي تبدأ دلوقتي, و ابدأ Professional, سوّق لنفسك صح هتكسب عملاء بالملايين ف وقت قصير جدا.